موسوعة المدائح النبوية
يقول صلى الله عليه وسلم: (أنا جليس من صلى عليَّ) ، صلوا عليه وسلموا تسليما ، ألف مرحب بكم أخي الزائر ولا تنسانا من صالح الدعوات
بحـث
 
 

نتائج البحث
 


Rechercher بحث متقدم

المواضيع الأخيرة
التبادل الاعلاني
احداث منتدى مجاني

مدحة للطيب مختار محكمة النفس

اذهب الى الأسفل

مدحة للطيب مختار محكمة النفس

مُساهمة من طرف عمرالتاج في الإثنين مارس 12, 2012 6:09 am

محكمة النفس (49)

جابت حكاويها فتحت في بلاغ قالت شكاويها الليل النفس
عين يا مستعان اضهت دعاويها كل يوماً جديد زايدات شهاويها
ما بقدر عليها ولي بلاويها ترميني وتفوت إن جيت الاويها بطالة النفس
جابت حكاويها فتحت في بلاغ قالت شكاويها الليل النفس
في أول بلاغ قالت مقاويها مستعمر علي كل حاجة حاويها
إدعت الظلم رفعت شكاويها المكارة ما بتنعد مساويها الليل النفس
جابت حكاويها فتحت في بلاغ قالت شكاويها الليل النفس
قلت ليها يا نفس الدعوة خليها أرجعي للآله والاخرة اطريها
اعمالك قباح أحسن تسيبيها الدنيا بتفوت إذودي فيها بطالة النفس
جابت حكاويها فتحت في بلاغ قالت شكاويها الليل النفس
قالت يا سلام عامل فقير فيها بي وعظو ونصيحتو الما بسويها
قوم اتبعني جاي الحِجة خليها أنلعب شوي نشوف شن فيها بطالة النفس
جابت حكاويها فتحت في بلاغ قالت شكاويها الليل النفس
قلت يا غشيم النار نسيتيها مايغشك هواك ختوها في جيها
إن طولت وإن قصرتي عاد فيها لابد يوم تموتي الناس تفارقيها الليل النفس
جابت حكاويها فتحت في بلاغ قالت شكاويها الليل النفس
قالت لي يابليد نضمك بلا جيها الموت أصلو حق عرفاهو عاد فيها
لكن إنت شباب لسع صغير فيها وأيام الشباب حلوات لياليها بطالة النفس
جابت حكاويها فتحت في بلاغ قالت شكاويها الليل النفس
قلت ليها عاد محال أذهب معاك ليها الحفلة أم بنات مالي غرض فيها
قالت يا غشيم ما شفت ال فيها الرقصة الجديدة الكشفة خليها بطالة النفس
جابت حكاويها فتحت في بلاغ قالت شكاويها الليل النفس
عادت جلستا وجابت محاميها ابليس اللعين الديمة راميها
قال لي عيب عليك لازم ترضيها تسمع لي كلاما وتبقي باريها الليلة النفس
جابت حكاويها فتحت في بلاغ قالت شكاويها الليل النفس
قال لي النفس كيفن تعاديها صالحا وأتبعا أوعك تقاضيها
الخير كلو فيها في مساعيها هاك مني الضمان المافي شك فيها الليلة النفس
جابت حكاويها فتحت في بلاغ قالت شكاويها الليل النفس
قال لي قوم ارح اتبعني في الفيها أدوك الضمان المافي شك فيها
قلت لي بي شروط لازم توفيها إن تتبعني تب ما بخالفك فيها بطالة النفس
جابت حكاويها فتحت في بلاغ قالت شكاويها الليل النفس
هاكي أول شروط استنطي عاد ليها الصلاة في أوقاتا لازم اصليها
أوراد الطريق مافيش لعب فيها قالت لي ليك علي أوعك تخليها الليل النفس
جابت حكاويها فتحت في بلاغ قالت شكاويها الليل النفس
ساقتني وجرت ابلس ابا ليها الصلاة في تعب بقيت اقضيها
يومين اتركا ويومين أصليها أورادي القبيل مافيش مجال ليها بطالة النفس
جابت حكاويها فتحت في بلاغ قالت شكاويها الليل النفس
أي الفارغة أم لعب دايماً تريديها والشي الفيها خير بالصدي تابيها
كيف أعمل معاها كيف اجازيها كل يوم جايبه فن جاياني بي جيه بطالة النفس
جابت حكاويها فتحت في بلاغ قالت شكاويها الليل النفس

الجعلي الرشيد يعرف يجازيها بالجوع الشديد قال لي تداويها
أوجيب اقبضا واسلمنا جاي ليها بضبحا واسلخا وسلمك ليها الليل النفس
جابت حكاويها فتحت في بلاغ قالت شكاويها الليل النفس
الصلاة والسلام بالجملة هاديها للمرسول دليل الأمة هاديها
الطيب نظم جايب مباديها نفسو ونفسكم ياربي اهديها الليل النفس
جابت حكاويها فتحت في بلاغ قالت شكاويها الليل النفس
الصلاة والسلام بالجملة هاديها للمرسول دليل الأمة هاديها
الطيب نظم جايب مباديها نفسو ونفسكم ياربي اهديها الليل النفس
جابت حكاويها فتحت في بلاغ قالت شكاويها الليل النفس
*******************







عمرالتاج

عدد المساهمات : 9
نقاط : 20
السٌّمعَة : -1
تاريخ التسجيل : 27/02/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى