نسايم الليل هبى وجيبى

من طرف عثمان محمد على الجمعة يوليو 08, 2011 11:09 pm

نسايم الليل
للعارف بالله الشيخ عبد الرحيم البرعي
............
نسايم الليل هِبِي وجِيبي
يومات من سوح ذو البراق ونجِيبِ

يا نسايم الليل هِبي ليَّ وجيبي ؛ رياح الشوق من حبيبي نجيبي
به نسمو يبقى ضرعي وَجِيبي ؛ وفَيّضو يعُمْ يملئ كَفِي وجِيبي
***********
يا نسايم الليل هبي لي في مغيبي ؛ عليه شموس مشرقي لا تغيبي
قراه يزيد في الوصول ترغيبي ؛ به يشهد لي عتيد ورقيب
***********
يا نسام الليل قوم معانا وسارع ؛ مع الاحباب نجتمع في الشارع
خليك من لعبة إبل ومزارع ؛ نصل سوح الحبُه في الجوف زارع
***********
يا نسايم الليل المواعيد حانت ؛ أفيدوا الخيرات .. أمورهم هانت
عزمك قويه الظروف لوخانت ؛ خليها علي الله .. وتكون الكانت
***********
يا نسايم الليل بثني در أوْزَانِي ؛ علي من زال عِلتي وأحزاني
به يرجح بالكرم مِيزاني ؛شفاعتو تَعُمْ السرق والزاني
*************
يا نسايم الليل وَضعو أخر الليل ؛ ربيع خُمْسِين .. غير فاك السيل
به فوزنا ونلنا أعظم نيّــــــــــل ؛ وزاد أعداءه في الأسف والويل
***************
يا نسايم الليل ماأحلى تلك السِيرة؛ بها هايمين زي جماعة السيرة
بفضل الله لينا ساهرة يسيرة ؛ لي سوح الخير طه حِلْوَ السِيرَة
***************
يا نسايم الليل فرعو طال يا بنية ؛ به نسمو نبلغ الامنيــــــــــــــة
حبيب الرب الصفاته ثنيــــــــــة ؛ نبينا القال .. العمل بالنيــــــــة
***********
يا نسايم الليل البروق جازني ؛ نسايم الشوق لأم رخام هـــــزني
سهام الحب بالجروح آذنــــــي ؛ متين نوصل والقعاد أحـــــزني
***********
يا نسايم الليل عد لمن له قاموا ؛ لحلو اللَهجةْ للجمــــيل القامــو
البرعي تزيل علته وسِقامو ؛ دوام يثبت ويستقيم في مقامو