قوم يا ماشي لي ابو رقية شوقي الليلة

من طرف **altoua** الإثنين سبتمبر 02, 2013 2:09 am

قوم يا ماشي لي ابو رقية
شوقي الليلة
***
بحكيلك يا خليل قول أيّ
في الامر المبهدل بيّ
حب الرسول بقي كيه
في قلبي و منوسر بيّ
***
نزلت في حشاي سريه
رعت عيشت الفؤادي رعيه
أو من راسي لي كرعيّ
جملت اعضاي تقول مقليّ
***
مهموم بكرة وعشيه
من شوق الفدا الوحشيه
لم تكب دموع عينيّ
أحدا فيك وأقول أحيّ
***
قال زيد دواك في طيه
إن كان صار قليبك شيه
قوم طالب المنبأ نبيّ
أجلس عندو وألغي الجيه
***
كونو إن زارو صاحب السيئه
لم تكتب عليهو خطيه
ليش ؟! لأنو في الأنبيا
عند المولي ليهو مزيه
***
سيدي معاجزو مي ما محصيه
نزلت في الكتب مقريه
صاحب البرده والهمزيه
وكلّلت من حصورو دعيه
***
كان حبيب ولدلو هنيه
لحمه سطيحه كيف مطويه
ناداها الصفاتو بهيه
صارت بت جميله صبيه
***
يا أخواني الصحابه قالوا
ما شفنا الرسول أمثالوا
في الحضره البعيد شكالو
والصيد في البريه دنالو
***
يا أخواني الصحابه إن مرقوا
بي دوروا وروايح عرقو
يعرفوا إنو فات بي طرقو
ليش ؟! بي باقي ريحة عرقو
***
يا أخوان الرسول حين نادي
شاة جابر حياها و قادا
العجب العجيب يا ساده
إمرأتو الحيالا أولادا
***
عاجبني السحاب الظلا
فوق راسو دور إنهلا
العجب القمر إدلا
نصفين شوف ! وإبجهل إنذلا
***
العاقب يا طه المرضي
نرجوك الستر للعرضِ
من بعد السُنن والفرضِ
بلهج بي مديح المرضي
***
الصلاة والسلام ما صاحا
آذان مع البياحا
ما قوقا الحمام ما ناحا
ليك يالبيك قلوبنا فراحا
.
.
.الغرقان
0125024123
.