مدائح نبوية للشيخ كمال الدين

شكرا جزيلا اخونا خدام الجناب المحمدي و تسلم و ربنا يرفع مقامك دنيا و آخرة يا رب وزيدنا كمان وكمان من ابونا الشيخ كمال الدين و د حاج احمد محمد البشير

قصيدة الشيخ كمال الدين في الشيخ عبد الباقي

عبدالباقي في أم قرقور أب سرا جلب دار فور
عبدالباقي في بلودو بنسمع بي كرمو وجودو
ما ببخل بي موجودو شربو من فيضو أسودو
عبد الباقي أبوي ابوشام ابو سرا سرى للشام
نحن اليوم جيناك عشام عجل لينا بالاكرام
عبدالباقي أبو الصلاح للنادا كالبرق اللاح
نحن اليوم جيناك مداح عجل ليناباللاصلاح
عبدالباقي أبو الزينين أبو سرا سرى للصين
جينا عندك عشمانين عجل لينا بالتعيين
عبدالباقي أبو العباد أبو سرا سرى في الفساد
نحن اليوم جيناك شحاد عجل لينا بالارشاد
عبدالباقي أبوي بطران أبو سرا جلب العربان
إبنك هاهو جاك عشمان عجل ليهو بالاحسان
عبدالباقي الهوج و صعيدسيد الحلقةأم جضيض
في الكراس و الرأس يفيد جيتك ضيفك وأستفيد
عبدالباقي حملو تقيل أبوي أبو دنقرا نديل
مشمر ديمه قائم الليل سايم عمرو راكب الخيل
الكمال ياسادة شوفوهو ضعيف يا سادة رافوهو
بعيبه ولومه لموهو عشيم من فيضكم أسقوهو
صلاة وتسليم ما ليها أعداد ما يعلم ربنا المجاد
تكافي تباعد الحساد و تعمر الباطن بالإمداد