نعم الحدى وبابا بي درب الفريش شاف طيبة واربابها زار حرمه الشريف

بسم الله الرحمن الرحيم
نعم الحدا و بابا
الشيخ حياتي
نِعْمَ الحَدَا وبَابَا
بِى دَرَب الفُريشْ شَافْ طَيُبَه وارْبَاباَ
زَارْ حَرَمُو الشَّرِيفْ
**
ارْجَعِ يَا بَطِي يَا وَلـْدَة التَّابـَه
أعْيت سيئاتك الصُّحْفِ كـَتَّابـَه
إستَغْفِرْ وتُوب قَدْ افلحْ التَّابَ
مِنْ الموبقاتْ الخمرَه والتـَّابَه
**
ما بْتَنْفَع هُناكْ لا يُمْه يَا يَـابَا
لا مالْ لابنونْ لا زوجَه واطْيَابَا
لا حِيلهُ تَفِكْ لا حَاجَة فِى غيَابَا
مِنْ خيرٍ وشَرْ الاعْضَا واعْيَابَـا
**
الدُّنيَا ام قدُودْ لا تـَغْرِزْ انـْيَابـَه
فِيكْ مِنْ طَبْعَها الغَدْرَه نـُاْويـَابـَا
بَدْرِى اعمل حِسَابك سِيبَه لِي ذئابا
سُوِّى الصالحاتْ ما فَازْ لَهَا اليَابَا
**
إنْ لازمْتهَا تشربْ وتـَرْوَابـَا
مِنْ خَمْرَة رجالْ الحضرَه نُوَّابَا
تَرْكـَبْ مَرْكَبَا وتَلْبَس ﻷثْوَابَا
ترقَابَا الرَّتَبْ فِــى الله تـَقـْـوابَا
**
عَرَّجْ فُوق إمامْ الرَّسلِ وارْبَابَه
رحماتْ الالـَه إيـَّـا الفـَتـــَحْ بـَابــَــا
نُور الكائناتْ الضَّوَّى فِى الَبَابَه
والخَاتِي الرسولْ لا تْقُولي فِى لـْبَابَه
**
مَنْهى كـُلَّ شي ما خَّل فِي صُوَابَه
مِنْ فيضوَ الرُّسل والانْبَا روُّابَه
الهِيلوُ البراقْ والجنــَّه واكوابــَا
والنيرانْ طفاهَــا وغلـَّق ابْوابـَا
**
ذُو الحسن البديعْ أخلاقُه حبـَّابَه
نَحْوُ الجامداتْ إن مَـرَّ خَبَّابـَه
وانْ شَار للسَّمَا امطارو صَبَّابـه
كالعيرْ والبعيرْ جُرَيْدَة أنْبَابَا
**
آياتْ الكِتـابْ مِنْ الله يُوحـَابـــَه
والامـلاكْ تقِي وتظـَلـِّلـُه سحَابَه
والنَّوق جَاتْ تـَرحْ لِي النَّحْرِ فَارْحَابَا
والنافراتْ ترِيمُ اذْيالـَها سَارْحَابَه
**
يَا لـِلـْمُرْضِعَة الأتـَانَه فَارْطـَابـَـا
بِه والـْبنَ شِيَاهَا وَدهـْرَهـَا طـَابَ
مَا الْطَفْ خَدِيجَه وما حَوَى خطَابَه
وهَـبـَتْ نَفْسَهَا لـِي ورُدَّ خُطـَّابَه
**
ليلـَة كـَزْ رَجَبْ اسرَابَا نـَاجـَابـَا
شافْ ذَاتْ العلي والمكرماتْ جَابَه
عَادْ المقلتينْ والباقَيه فِي حجَابــَا
تـكفينَا الصخور والغِيرَ إيـِجـَابـَه
**
يَا سبابتِي شافـْع َالاممْ كـَـابـَا
امدُحوا بى صفاءٍ خاتْي دُنـْكـَابـــَـه
سَوَّوا العاشقينْ فِى قلوبَا كـَرْكَابَه
خَلـُّوا العَينْ دموعُها التُّمْشِي كَبْكَابَه
**
أصحابُو الاسوُد ارواحَها مانَّابَه
فِي الله والكـُفر قِاطعينْ طـَفـَنَّابَه
بي سيوفاً حداداً تاكـُل اجْنَابـَــه
ورماحاً تشيلْ الكـَبْدَه فِي أشْنَابَــا
**
الـْلِيلـَه البِريقْ مِنُّو القـَلِبْ رَابَا
خـَلَّ الرَّوح تَسَامِي تـَسَامِي رَبْـرَابـَه
بالأسفْ الشديدْ خَشْمِي انْمَلاَ ترابَا
إمَّا زُرْ رِيَاضْ أمْ قـُلـَّه مِحْرَابَه
**
الصَّلاة مِنْ حَيَاتِي الحاجْ حَمَدْ جَابَه
راجِي المسلمينْ فِي الحَشْر تَنْجَابَــــه
مَنْ عِينْ الجِنُون واﻹنس بي حجَابهَ
محجُوبْ مُنْحَجِب انْ شا الله يَحْجَابَه
.ّ.ّ.ّ
محمد عثمان بابكر محمد سعيد بركات.
موقع الشريف بركات.
للعلوم الدينية والمدائح النبوية.
www.youtube.com/user/thattiger7

نعم الحدى وبابا بي درب الفريش شاف طيبة واربابها زار حرمه الشريف

نعم الحدى وبابا بي درب الفريش شاف طيبة واربابها زار حرمه الشريف

رد: نعم الحدى وبابا بي درب الفريش شاف طيبة واربابها زار حرمه الشريف