موسوعة المدائح النبوية
يقول صلى الله عليه وسلم: (أنا جليس من صلى عليَّ) ، صلوا عليه وسلموا تسليما ، ألف مرحب بكم أخي الزائر ولا تنسانا من صالح الدعوات
بحـث
 
 

نتائج البحث
 


Rechercher بحث متقدم

المواضيع الأخيرة
التبادل الاعلاني
احداث منتدى مجاني

إلهي إلهي أدعوك فاستجب بحق النبي وكذاك الصحب

اذهب الى الأسفل

إلهي إلهي أدعوك فاستجب بحق النبي وكذاك الصحب

مُساهمة من طرف خدام الجناب المحمدي في الثلاثاء يونيو 08, 2010 6:20 am

بسم الله الرحمن الرحيم

إِلَهِي إِلَهِي أدْعوكْ فَاستجِيبْ بِحقِّ النَبي وكذاكَ الصَحبْ

أَشْرَعْ يَالبيبْ بِاللهِ المُجِيبْ
يُمحَي لَدَيْ مَا كُتِبْ مِنْ عَتِيدْ لاَ رقِيبْ
ثَنِّي عَقِّبْ وجِيبْ فوقْ ذَاكْ سَيَّد خُبِيبْ
مِنْ كَوْنُو يومْ أمْ لَهِيبْ غَطِّايْ لِكُلِّ عيبْ
الصدِيقْ فَاهِي جِيبْ والفَارُوقْ لا تُرِيبْ
وتَالِي آيْ المُجِيبْ والليثْ حَيْدَر الصَّلِيبْ
بِالأبْنَاءْ أرْزُقْنَا النَصْرا وخُصْ السِتْ الزَهْرَا
وبِالسِبْطَينْ الغَرَّا أجْعَلْ لِي وَافَر النَصِيبْ
بِكُلْ صَحَابَة الحَبِيبْ أهْلَ الكَفْ الرَحِيبْ
العَادَى الدِينْ الكَئِيبْ هَانُوهُ إهِانة الكِلِيبْ
بِجُمْلَة السَادَة الأتْبَاعْ اللاَبِسِينْ الدَرَّاعْ
والفِي الغُيُوبْ هُمْ طُلاَّعْ أهْلَ الديَوانْ العَجِيبْ
بِمَالِكٍ وأحْمَدَا وشَافِعَينا دَا
والفِي الأوَانْ مُقْتَدَى صَفِّي لِي لُبْ اللَبِيبْ
بِجُمْلَة السَادَة الأتْبَاعْ اللاَبِسِينْ الدَرَّاعْ
والفِي الغُيُوبْ هُمْ طُلاَّعْ أهْلَ الكَفْ الرَحِيبْ

بَجُمْلَة جُنُودْ الرَحْمَنْ بِالفَاتِحَة البَقَرة وعُمْرَانْ
وسُورَة النِسَاءْ أبْ شَيئَانْ أُكْرَمْ بِتُوبَة وتَهْذِيبْ
بِالمَائِدَة أَنْعَامْ والأَعْرَافْ وبِالأَنفَالْ يَا لطَّافْ
بِالتَوبَة أدْعُوكْ إِنْصِرَافْ أسْلُكْ لِدَأْب الحَبِيبْ
بِسُورَة صَاحِبْ الحُوتْ بِهُودْ فَضْلِي يَكُونْ مَثْبُوتْ
بِيُوسُفْ حَرِّكْ نَاسُوتْ أكُونْ حِمَاكَمْ قَرِيبْ
بِالرَعْدِ أدعُوكَمْ يَا حَيْ وبِإبرَاهِيمْ يَا بُنِيْ
بِالحِجْرِ أمْنُنْ عَليْ بِالنَحْلِ جُودْ يَا حَسِيبْ
كَذَاكْ بِسُورَة الإسْرَاءْ ومَا قَدْ جَاء فِي الذِكْرَى
بِكَهْفٍ أعُودْ وأقْرَا ومَرْيَمْ كَافْ هِيَ جِيِبْ
بِسُورَة طَهَ إيَّاكْ بِالأنْبِيَاءْ والأمْلاَكْ
بِسُورَة الحَجْ أدَّعَاكْ فَحَاشَى الله أَنْ يَخِيبْ
وثُمَّ سُورَة الفَلاَحْ نَظِّفْ لَى لُبِّي وأشْرَح
بِالنُور نَوِّرِه مِصْبَاحْ وبِالفُرْقَانْ دِيمْ تَرْقِيبْ
بِالشُعَراءْ أمْنُنْ وَجُودْ بِالنَمْلِ القَصَصْ مَعْدُودْ
بِالعَنْكَبُوتْ للعِهُودْ وفِي مِنَّاغَيْرَ رِيبْ
بِرُومْ وبِلُقْمَانْ وسَجْدَةٍ يَا حَنَّانْ
بِسُورَةِ الأحْزَابْ كَمْانْ يَسْمَي مُقَامِي عَجِيبْ
بِسَبأْ فَاطِرَا وقَلْبَ القُرءانْ تَرَا
وبِاليقْطِينْ نَاظِرَا الفِي اللُبْ أَمْحَاهُ بِتَنْجِيبْ
بِصَادٍ وبِتَنْزِيلْ وَرِّثْ لِحَالِي التَبْجِيلْ
بِغَافِرٍ يَا جَلِيلْ بِفُصِّلَتْ دِيمْ تَهْذِيبْ
بِالشُورَى أشْهِدْنَا عُلاَكْ بِالزُخْرُفِ ادَعَوْنَاكْ
بِالدُخَانْ مِيلْ عَطَاكْ بِالجَاثِيَة أجْثُمْ صَفْوِي أصِيبْ
بِالأحْقَافْ يَا بَاريْ وسُورَة أحْمَدْ نَبِي
بالفتح افتح لَّدِي وبِالحُجُرَاتْ أنَيبْ
بِقَافٍ والذَارِيَاتْ بِالطُورْ أجِيبْ للدَعْوَاتْ
بِالنَّجْمِ أكْرَعْ مَرَاتْ مِنْ فِيْضَكَمْ شُرْبَ الغِيبْ
بِسُورَة الإنْشِقَاقْ وبِالرَحْمَنْ إمْتِلاقْ
بِالوَاقِعَة إسْتِرْقَاقْ دَعَاكَمْ صُحَِيْبَ العيبْ
بِسُورَة الحَدِيدْ وِرْدِي والمُجَادَلَة عُدﱢي
بِحَشْرٍ تِمْ لَي قَصْدِي أوُدْ مَودَة حَبِيبْ
بِصَفٍ و بالجُمْعَة دَعَاكَمْ صَاحِبْ الطَمْعَة
إذَا جَاءَكْ فِي السَعَة التَغَابُنْ ﺇغْنَمْ تَقْرِيبْ
بِالطَلاقْ والتَحْرِيمْ وسُورَة المُلْكِ العَظِيمْ
بِسُورَة القَلَمْ دِيمْ رِضَاكْ بِالحَاقَة جِيبْ
بِسْأَلْ نُوحْ ثُمَّ الجِنْ مُزْمﱢــل مُدﱢثِرْ مِنْ
بِسُورَة القِيَامَة عِنْ مِنْ هَُوْلِ نَارْ أُمْ لَهِيبْ
بِهَلْ أتَى والمُرْسَلاتْ بِعَمَّ والنَازِعَاتْ
بِسُورَة الأعْمَى نَجَاة مِمَّا نَخْشَى ونصِيبْ
بِسُورَة التَكْوِيرْ إشْعَارْ وكَذَاكَ الإِنْفِطَارْ
وثُمَّ سُورَة الأبْرَارْ إِنْشَقَّتْ وبُرُوجْ الغَيبْ
بِالطَارِقْ أطْرِقْ لِلْبَابْ بِسَبِّحْ كَوِّنْ شَرَابْ
بِالغَاشِيَة زِيلْ لِلحِجَابْ بِالفَجْرِ أكْتُبْنِي حَبِيبْ
بِسُورَة البَلدِ عِمْ والشَمْسِ وضُحَاهَا تِمْ
واللَيلِ إِذْ جَنْ ظَلمْ أكُونْ مِنْ أهْلَ الكَسِبْ
بِالضُحَى والإنْشِرَاحْ بِالتِينِ أقْرأ الرَبَاحْ
بِالقَدْرِ لَمْ يَكُنْ جِراحْ بِالزَلْزَلَة العَادِيَاتْ جِيبْ
تَمَامْ تَرْتِيبْ السَّجْعَا بَاقِي عَشْرٍ وأرْبَعَا
بِهِمْ نَعُوذُ مِنْ فَظْعَا فِي يُومْ أحَدٍ أضْجَع وأغِيبْ
بِالقَارِعَة أقْرَعْ وَقِيفْ لِبَابْ ذِي السِتْرِ اللَطِيفْ
بِالْهَاكَمْ لاَ يَلْهَى الضَعِيفْ بِالعَصْرِ عَصْرِي يَطِيبْ
وَيْلٌ لِكُلِّ مَنْ يَمِيلْ عَنْكَمْ كَأصْحَابِ الفِيلْ
كَذَا قُرَيْش فِي تَضْلِيلْ ومَنْ بِالمَاعُونْ أُصِيبْ
مِنْ كَوْثَرَكْ يَا مُنْذِرَا أسْقِي الرُوَاةْ ومَنْ قَرَأ
بِالكَافِرُونْ لاَ أُضْجَرا إِذْ جَاءْ نَصْرٌ قَرِيبْ
تَبَّتْ يَدَا أبِي لَهَبْ مَنْ لِلإخْلاَصْ كَسَبْ
أفْلَقْ لِلذِي إحْتَجَبْ وبِالنَّاسِ أُنْسِي عَجِيبْ
بِحَقِّ كِتَابِ العَزِيزْ وحَقِّ المُلْكِ الطَرِيزْ
لأَجْلِ العَزِيزْ صِرْ عَزِيزْ فَيَا عَبْدِي لاَ تُرِيبْ
لَكَمْ وسَّعنَا لَلقُوتْ والفِي الجِسِمْ كَانْ مَنْبُوتْ
عَفَوْنَاكَ كَصَاحِبْ الحُوتْ وبِشُغْلَنَا شَغَلْنَاكْ سِيبْ
إخْضَرَّ ثِمَارُه ونَمَا وإزْدَادَ وجَادْ أنْعَمَا
إِذْ رَقَى عَنَانْ السَمَاءْ بِحَقِّ سَيِّد خُبِيبْ
بِمَا تُلي راجِينَا والعَفُو لَى وَالَدِينَا
والحَبَّ أصْحَبْ لَينَا حَوَى إدَارَة الحَبِيبْ
نَظْم قَافِيَة النِدَا الطَيِّبْ ذُو الرَدَا
نَجْلُ بَدرٍ أنْجِدَا نَجْداً كفُرَّاسِ الغَيبْ
أعْطِيه رَبِي القَبُولْ وفِي الحَضْرَاتِ الدِخُولْ
يَرِثْ لأَِبَاهُ الفِحُولْ ويَكُونْ بَخْشِيشْ أهَلَ الغَيبْ
صَلاةُ رَبِّي البَدِيعْ عَلَى ذُو القَدْرِ الرَفِيعْ
عَدَدْ حُورَاءً تُرِيعْ فِي الجَنَّاتْ وتَلْتَهِبْ
سَلَّمْ كَرَّاتْ بِالدَوامْ مَدَى الدِهُورِ والأيَّامْ
يَأْتِيكْ مَمْزُوجْ حَالِي شِمَامْ ويُهْنِيكْ يَا نَبِي الهِيبْ
يَعُمَّ الآلِ والعُشْرَا كَذَا التُبَّاعْ الوَرَاء
يَكوُنْ لِلتَالِينْ ذُخْرَا ويُوفِي الجَالْسِينْ نَصِيبْ
avatar
خدام الجناب المحمدي
المدير العام
المدير العام

عدد المساهمات : 358
نقاط : 892
السٌّمعَة : 0
تاريخ التسجيل : 03/06/2010
العمر : 49

معاينة صفحة البيانات الشخصي للعضو http://madad.mam9.com

الرجوع الى أعلى الصفحة اذهب الى الأسفل

رد: إلهي إلهي أدعوك فاستجب بحق النبي وكذاك الصحب

مُساهمة من طرف tayeb38 في الجمعة ديسمبر 24, 2010 4:25 pm

مشكووووووووووووووووووووررررررررررررررررررررررررررررررررر Very Happy

tayeb38

عدد المساهمات : 2
نقاط : 5
السٌّمعَة : 3
تاريخ التسجيل : 24/12/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى